Hozirgi davrda mustaqil davlatimiz xalqni kelajak ravnaqi uchun yuqori talablarga javob beruvchi sifatli xalq iste’mol mollarini, shu jumladan charm mahsulotlarini ko`paytirishga katta ahamiyat berilmoqda. Aholining charm buyumlarga bo`lgan ehtiyojini qondirish uchun charm mahsulotlar sanoatida ishlab chiqarish hajmini va uning sifatini oshirish, mehnat unumdorligini yanada o`stirish, hozirgi zamon talablariga javob beradigan, raqobatbardosh mahsulot ishlab chiqarishga erishish ko`zda tutiladi. Charm buyumlari deb, oxirgi asrgacha faqat charmdan tayyorlanuvchi keng istemol mollari ya’ni poyabzal va charm-attorlik mahsulotlariga aytilar edi. Hozirgi vaqtda poyabzal va boshqa attorlik mahsulotlari charmdan tashqari juda ko`p sintetik va sun’iy materiallar ishlatilishiga qaramay, qisqa qilib charm buyumlari deb ataladi.