Yuqori sifatli tikuv buyumlarini loyihalashtirib, ularni ishlab chiqarishning zamonaviy iqtisodiy xususyatlariga to`g`ri yondashib, mutaxassislikka oid murakkab masalalarni yechishga qodir va estetik qonuniyatlarni mukammal egallagan yuqori malakali kadrlarni tayyorlash muhim bir vazifalardandir. Yengil sanoatdagi o`zgargan vazifalar, kichik firma va qo`shma korxonalarni tashkil etish, assortimentni tez-tez yangilanib turadigan va tez-tez moslashadigan texnologik ""tugallangan tsikllar"" kompleksini yaratish (ya`ni tolalarni qayta ishlashdan boshlab tayyor buyum chiqarishgacha) sohasi mutaxassislar tayyorlash jarayoniga yangicha yondashuvni talab qiladi. Zamonaviy mutaxassis bir vaqtning o`zida dizayner, konstruktor, texnolog, marketolog va o`z mahsulotini muvaffaqiyatli sotuvchi kabi vazifalarini bajarishi kerak.