Teri – hayvon tanasining ustki qoplami bo’lib, u tanani tashqi ta`sirlardan himoya qiladi, shuning bilan birga modda va issiqlik almashinuvini boshqarishda, tashqi muhitning ta`sirlarini qabul qilishda qatnashadi. Terining umumiy tuzilishi hamma hayvonlar uchun birdir. Lekin hayvonlarning turi, yoshi, jinsi, zoti, oziqlantirish va saqlash sharoitlari, iqlim sharoitlari terining tuzilishiga va uning xossalariga sezilarli ta`sir etadi.
Terining topografik qismi deb - tanani ma`lum bir yerida joylashgan bo’lib, qalinligi, zichligi, tolalarining to’kilish xususiyatlari, kimyoviy tarkibi, mustahkamligi bilan ajratib turuvchi qismiga aytiladi.