Ma’lumki, sarlavha masalasi badiiy asarning bosh masalalaridan bo’lib, qadimgi adabiy yodgorliklardan tortib, bugungi kunlargacha badiiy asarning asosiy ma’no va mazmun markazi bo’lib xizmat etib kelmoqda. Biz ushbu ishimizda bu muammoning barcha qirralarini, o’tmishini qamrab olish imkoniyati yo’qligini his etdik. Shu bois, ishimizda ko’proq yangi davr o’zbek adabiyoti na’munalari misolida fikrimizni oydinlashtirishga harakat qildik.