Хоналарни жойлаштиришда шамолнинг кўпчилик йўналишига нисбатан ён {торец) томони ёки бир бурчаги билан жойлаштирилади. Қурилишлар оралиқлари, масофа ҳавонинг табиий ҳаракатида ферма худудининг шамоллатилишини таъминлаши керак. Лойиҳалашда қурилишнинг ихчам ва арзонлигига ҳаракат қилиш керак, лекин шу билан бирга хоналар оралиғидаги рухсат этилган санитария-ветеринария ва ёнғинга қарши оралиқларни сақлаш керак. Ветеринария хонаси, ёнилғи, минерал ўғит омборлари ва бошқа санитария ва ёнғинга хавфли объектларни фермадан 300 м дан кам бўлмаган масофада шамолнинг йўналиши томонидан ва худуд релъефидан пастроқ томонда жойлаштирилади.