Paxtachilikda ikki xil: tukli va tuksiz urug’lik chigitdan foydalaniladi. Ekiladigan chigit davlat standarti talabiga javob berishi kerak. Standart talabiga javob beradigan urug’ konditsion urug’ deyiladi. Urug’lik chigit asosiy sifat ko’rsatkichlari bo’yicha: unib chiqish darajasi, navining tozaligi, sirtidagi qoldiq tola miqdori, namligi va shikastlanishi davlat standartiga to’g’ri kelishi kerak. Xozirgi vaqtda chigitni keng qatorlab (90sm), tor qatorlab (60sm), uyalab, punktir (har bir uyaga chigitni anik miqdorda), egat pushtasiga ekish usullari qullanilmoqda va keyingi vaqtda plenka tagiga ekish yaxshi samara bermoqda. Tukli chigit uyalab eqilganda gektariga 50-60 kg chigit sarflanadi.
Tuksiz chigit aniq miqdorda uyalab ekilganda 25-30 kg chigit sarflanadi va yaganalashga xojat qolmaydi.