Dehqonchilik fani agronomiya fanlari orasida eng asosiylaridan biri hisoblanadi. U tabiiy va ilmiy fanlarni amaliy agronomiya bilan bog’lovchi soha hisoblanadi. Dehqonchilik – amaliy fanlardan biri bo’lib, tuproq unumdorligini saqlash va oshirish, yerdan oqilona foydalanish, qishloq xo’jalik ekinlaridan yuqori va barqaror hamda sifatli mahsulot yetishtitish yo’llarini o’rgatadi. Dehqonchilik fanidan laboratoriya va amaliy mashg’ulotlar o’tkazish bo’yicha tuzilgan ushbu ushbu uslubiy qo’llanmada: tuproq strukturasi, tuproq qattiq qismining haqiqiy solishtirma hajmiy massalarini aniqlash, haydalma qatlam tuzilishini va tuproqni suv xossalarini o’rganish, tuproqning texnologik xossalarini aniqlash, begona o’tlar va ularning dehqonchilikdagi zarari hamda ularni hisobga olish usullari va qarshi kurashish tadbirlari, gerbitsidlardan foydalanish, ekinlarni almashlab va navbatlab ekish, dehqonchilik tizimi bilan bog’liq masalalar o’rin olgan. SHuningdek, talabalarni mustaqil ishlashlari uchun tegishli topshiriqlar, vazifalar va nazorat savollari ham berilgan.