O`qitish jarayonining vazifasi ta`lim tarbiya va rivojlanish birligini ta`minlashni nazarda tutadi. Biroq kadrlar tayyorlashda o`quvchilarning qobiliyati, ong va ko`nikmalarini o`stirish, ilmiy-amaliy bilimini chuqurlashtirish muammosi bundan ham muhimroqdir. Kasb-hunar kollejlarining yo`nalishi va ixtisosligi xususiyatlaridan kelib chiqqan holda, ta`lim tizimi ishlab chiqarish jarayonlari bilan uzviy bog`lanishi lozim. Buning uchun kasb ta`limi fani o`qituvchilaridan maxsus fanlar o`qitish uslubiyatini, mutaxassisliklariga oid mahorat va amaliy ko`nikmalarini oshirib borishlari talab qilinadi.