Халтачали замбуруғлар ѐки аскомицетларнинг Лабульбенийлар (Laboulieniales) тартибига уч оила ва 150 туркумга мансуб 1500 тур киради. Улар дунѐда кенг тарқалган бўлиб, асосан тропик ва субтропик шароитларда учрайди. МДҲ мамлакатларида, жумладан, Латвия, Украинанинг Львов вилояти ва Кавказда қайд қилинган. Бу замбуруғлар юқори ихтисослашган облигатлар ҳисобланиб, ҳашаротлар ва каналар танасининг сиртида паразитлик қилиб, хўжайин ўлгандан сўнг, улар ҳам тезда нобуд бўлади.