Таълимнинг турли босқичларида адабиёт туркумидаги бир қатор фанлар ўқитилади. Шунга қарамай уларнинг ҳар бирида ўзига хосликлар оз эмас. Масалан, қадимги туркий адабиёт билан мумтоз адабиётни, халқ оғзаки ижодига мансуб асарлар билан замонавий адабиётни бир хил шакл ва усулларда ўрганиш мумкин эмас. Мазкур китобда айни шу масалалар ҳақида баҳс юритилган. У магистратура босқичининг «Ўзбек тили ва адабиёти» мутахассислигига мўлжалланган. Китобдан тил ва адабиёт ўқитувчилари, бакалавр босқичидаги талабалар, шунингдек, аспирант ва тадқиқотчилар ҳам фойдаланишлари мумкин.