K.Raxmanovtın` do`retiwshiligin oqıtıw metodikası

O`zbekstan Respublikası g`a`rezsizlikke iye bolg`annan son` siyasiy, ekonomikalıq, ja`miyetlik bag`darlarda ko`plegen o`zgerisler, bilimlendiriw tarawında da reformalar ju`z berdi. Sonın` menen birge xalqımızdın` biybaha ruwxıy baylıqların qayta tiklewge ha`m qa`dirlewge ken` jollar ashıldı. G`a`rezsizlik ideologiyası ko`p milletli O`zbekstan xalqının` iygilikli ideyaazat ha`m abat Watan, erkin ha`m abadan turmıs qurıw jolındag`ı a`sirlik arzıw a`rmanları, turmıslıq ideyaların o`zinde sa`wlelendiredi. Sonın` menen birge milliy g`a`rezsizlik ideyası bu`gingi tez pa`tte o`zgerip baratırg`an ta`shwishli du`n`yada o`zligimizdi an`law, bizin` kimligimizdi, qanday ullı babalardın` miyrasına neshe mın` jıllıq tariyx, ta`kirarlanbaytug`ın ma`deniyat ha`m qa`diriyatlarg`a iye ekenimizdi sezinip jasawg`a, bul baylıqtı asırap saqlaw, demokratiyalıq qa`diriyatlar, pu`tkil du`n`ya rawajlanıwının` jetiskenlikleri menen azıqlandırıp, jan`a o`sip kiyatırg`an a`wladqa xızmet etiwi tiyis