Bugungi dunyoda, aniqrog`i, insoniyat hayoti faoliyati davomida axborot texnologiyalari sohasi keng tarqalganligi bilan bir qatorda, tez sur’atlarda rivojlanmoqda. Bu esa, o`z navbatida, jamiyatni axborot texnologiyalaridan jinoiy maqsadlarda foydalanishdan samarali himoya qilish muammosini keltirib chiqarmoqda. Axborot-kommunikatsiya texnologiyalarining jamiyatimizda tutgan o`rni tobora ortib, hayotimizning barcha jabhalariga keng kirib borayotgan bir paytda axborotlashtirish sohasiga oid qabul qilingan qator farmonlar, qonunlar, hukumat qarorlari va boshqa me`yoriy hujjatlarning ijrosi bosqichma-bosqich amalga oshirilmoqda.O`zbekiston Respublikasi mustaqillik odimlarini dadil qo`yayotgan hozirgi davrda, axborotlashtirilgan jamiyat qurish masalasi mamlakatimiz uchun naqadar katta ahamiyat kasb etayotgani hech kimga sir emas.