Qayqavustın` Qabusnama shıg`armasında a`dep-ikramlıq ma`seleleri

A`yyemgi Ku`nshıgıs pu`tkil du`n`ya ma`deniyatının` besiginin` biri bolg`anı ushında bul a`debiyattan na`r alıwga talpınbag`an birde-bir eldi ushratıw qıyın. Sebebi Ku`nshıg`ıs erte da`wirdegi ma`deniyattın` teren` to`rkinlerinin` biri bolıp qaladı. Bul jerdegi ma`deniyat ha`tte Gretsiya menen Rimge qarag`anda da a`dewir burın rawajlang`an. A`yyemgi Assiriya, Vaviloniya, Tigr ham Efrat da`r`yasının` aralıg`ı, eski Shumerler ma`deniyatı bul haqqında bizge teren` sır shertedi. Erte da`wirdegi Mısır piramidaları «Gil`gamesh», «Ko`rmegeni joq adam haqqında an`ız», hindlerdin` «Mahabxarata» ha`m «Rumiyana» da`stanları du`n`yadag`ı en` birinshi a`debiy estelikler bolg`anlıg`ına daw joq. Solay bolsada shıg`ıstag`ı shegine jetken jırtqıshlıq bul ma`deniyat to`rkinlerin a`bden qıyrattı.