Дарий тили (форси-йе кобулий) Афғонистон Ислом Республикасининг давлат тилларидан биридир. Биз биламизки, Афғонистонда иккита расмий давлат тили дарий ва пашту тилидир. Ҳозирги дарий тили форс ва тожик тиллари билан қариндош тил ҳисобланади. Афғонистонда 20 дан ортиқ тиллар ва 200 дан ортиқ шевалар мавжуд. Мавжуд конституцияга мувофиқ, пушту (афғон тили) ва дарий (форси-кобулий, форс тилининг афғон шеваси) тиллари Афғонистоннинг расмий тиллари хисобланади. Ҳар қандай тилнинг луғавий таркиби, унинг жами сўз бойлиги мазкур миллатнинг бутун тарихий тараққиёти давомида шаклланган ҳодисадир. У доимо ҳаракатда ва ўсишда бўлади. Тилнинг ривожланиш сабаби эса, асосан икки омилга, унинг ички ва ташқи ўсиш манбаларидан қандай фойдалана билишга боғлиқ бўлади. Шу жумладан, дарий тили лексикасида ҳарбий соҳага оид терминологик тизим юзага келган ва у амалда қўлланилмоқда. Шу боис дарий тилидаги бор мавжуд ва янги кириб келаётган ҳарбий соҳа терминларини ўрганиш ва уларни курсантлар билан амалиётга татбиқ қилиш масаласи долзарб аҳамиятга эга.