O`zbekiston Respublikasi Prezidenti, Qurolli Kuchlar Oliy Bosh Qo`mondoni I.A. Karimov ta’kidlaganlaridek, “Armiyada ofitserlar, serjantlar va oddiy askarlarda yuksak ma’naviy fazilatlar, mustahkam iroda, Vatan taqdiri uchun mas’uliyat hissini kamol toptirish, harbiy jamoalarda sog`lom axloqiy-ruhiy muhitni shakllantirishda qaratilgan tarbiyaviy ishlar tizimini tubdan yaxshilash Qurolli Kuchlarimiz barcha bo`g`inlari komandirlarining alohida muhim vazifasidir”.
Belgilab berilgan ushbu ustuvor vazifani amalga oshirish maqsadida guruh, bo`linma (seksiya, ekipaj, raschet)lar va ular bilan ishlash, xususan yosh harbiy xizmatchilar, ularda hosil bo`ladigan tasavvurlar, kechinmalar, e’tiqodlar, g`oyalar, his-tuyg`ular hamda ularning xulq-atvorida namoyon bo`ladigan o`ziga xos xususiyatlar haqida fikr yuritish Qurolli Kuchlar uchun eng dolzarb masalalardandir.