Мўғул қабилалари ва элатларининг қудратли давлатга бирлашув жарёни мўғул хони Темучин (1155-1227 йй) номи билан боғлиқ. 1205 йилдаёқ Қорақурумда мўғуллар билан ёнма-ён яшаб келган ва уларнинг хукмронлиги остида бўлган жалойир, ўйрот, кейройит, найман, қорахитой, қирғиз, уйғур, қорлиқ каби туркий қабилалар ҳам иштирок этган қурултой бўлди ва унда Темучин Чингизхон номи билан мўғул хони этиб сайланди.