Adamlaryň informasion işi esasy informasion prosesleri (informasiýany toplamak, saklamak, geçirmek, işläp taýýarlamak we gözlemek) ulanmak bilen baglanşyklydyr. Şeýle bolansoň, bu işde informasiýa mukdaryny ölçäp bilmegi başarmak möhüm bolup durýar. Haýsydyr bir ululygy ölçemek üçin onuň ölçeg birligini bilmek zerurdyr. Meselem, massa ölçeg birligi bolup kilogram, wagt ölçeg birligi bolup sekunt, uzynlyk ölçeg birligi bolup metr hyzmat edýär.