Buyumlar tikish uchun har xil gazlamalar ishlatiladi. Gazlamlardan tashqari, paxta, vatilin, vatin va mo`yna kabi issiq tutuvchi materiallar, shuningdek porolon ham keng qo`llaniladi. Odatda oddiy paxta, ba’zi hollarda jun aralash paxta ishlatiladi. Vatilin-bir tarafi yelimlangan polotno ko`rinishidagi paxta matodir. Vatin-taralgan qalin tukli polotno yoki tukli gazlama; ip vatin va jun aralash ip vatin bo`ladi. Mo`ynadan yoqalar bichiladi, mo`yna buyumlarni bezash uchun, ba’zan esa paxta yoki vatin o`rniga issiq tutuvchi material sifatida ishlatiladi.
Tikilgan buyumlar ishlab chiqarishda har-xil furnitura (tugma, ilmoq, to`qa va hokazo), to`r va boshqa bezak materiallardan ham foydalaniladi.