Бундан ташқари, ўқувчиларда таянч ва ўқув фанига оид компетенцияларни шакллантиришга йўналтирилган дарслик қуйидаги талабларга жавоб бериши керак деб, ўйлаймиз.
1. Мазмун(матн)и бўйича:
- ўрганилаётган материалнинг фан янгиликлари, унинг замонавий тенденциялари мазмунига мос бўлиши;
- материалнинг предмети бўйича мантиқий ва психологик жиҳатдан системалаштирилганлиги;
- матнннинг ўқув дастурининг асосий мазмуни, ўқувчиларнинг ёшига мослиги ҳамда уларда таянч ва ўқув фанига оид компетенцияларни шакллантиришга йўналтирилганлиги;
- атама ва тавсифларнинг аниқлиги, маълумотларнинг унификацияланиши;
- атамалар ва номланишларнинг бошқа ўқув фанлари билан уйғун берилиши;
- маълумотларни бериш усулларининг хилма-хиллиги (матн, расм, иллюстрация, қўшимча маълумот олиш учун кўрсатма, медиаресурслар ва ҳ.к.);
2. Дарслик мазмунига қўйиладиган методик талаблар:
- дарслик тилининг замонавий дидактик талабларга мослиги (аниқ, тушунарли, мулоҳазага ундовчи);
- тегишли фанни ўқитиш методикаси принципларига мослиги;
- муаллиф томонидан берилган мисол ва ҳолатлар иллюстрацияланганлигининг ҳар хиллиги;
- ўтилган мавзу билан мантиқий боғланиши ва ўқувчилардаги билим ва компетенцияларни чуқурлаштиришга қаратилганлиги;
- топшириқлар (айниқса мустақил бажариладиган)нинг компетенцияларни шакллантиришга йўналтирилганлиги(КШЙТ), уларнинг даражаланганлиги;
- масалаларни ҳал этишда ўқувчиларнинг билиш жараёнларини бошқариш, йўналтириш усул ва воситаларининг қўлланилганлиги;