O’zbekiston respublikasi avtomobil sanoati keng ko’lamda rivojlanib bormoqda. Respublikamiz 1991 yilda mustaqillikka erishgach, o’zining avtomobil zavodiga va o’zining avtomobillariga ega bo’lish maqsadida Jnubiy Koreyaning «DAEWOO» kompaniyasi bilan shartnoma tuzib, Asaka shahrida «UzDaewooAvto» qo’shma korxonasin, Turkiya davlati bilan hamkorlikda Samarqand shahrida kichik sig’imli avtobus va yuk avtomobillari hamda avtomobil agregatlarini ishlab chiqarish uchun zavodlarni barpo eta boshladi.
Asaka shahrida «UzDaewooAvto» zavodining qurilishi bilan O’zbekiston dunyodagi o’z avtomobil sanoatiga ega bo’lgan 28-davlatga aylandi.
«UzDaewooAvto» bu-markaziy Osiyodagi birinchi avtomobil ishlab chiqarish kompaniyasidir. Zavod jahon standartlari talablariga javob beruvchi o’ta zamonaviy texnika va texnologiya bilan jihozlangan bo’lib, o’rta sinfli Neksiya, kichik sinfli Tiko avtomobillari va Damas mikroavtobuslari ishlab chiqarishga mo’ljallangan edi. Hozirgi kunda avtomobillarning turi Neksiya-2, Lasetti va Matiz kabilar bilan boyib bormoqda.
Samarqand shahrida O’zbeksiton-Turkiya qo’shma korxonasi «Samkochavto» zavodidan 1998 yildan «Uzotoyo’l» kichik turkumdagi avtobuslar va yuk avtomobillari ishlab chiqarilgan bo’lsa, 2005 yildan boshlab Yaponiyaning UZUSU korporatsiyasi bilan hamkorlikda UZUSU avtobuslari ishlab chiqarilib respublikamiz shahar va qishloqlarida ekspluatatsiya qilinmoqda.