O`zbekistonda Prezident Islom Karimov tomonidan ishlab chiqilgan besh tamoyil asosida bosqichma - bosqich bozor iqtisodiyoti munosabatlari shakllantirilmoqda. O`zbekistonda yuzaga kelgan vaziyat iqtisodiyotning rivojlanishini intensiv yo`lga o`tkazishni, resurslarning barcha turlaridan oqilona foydalanishni, ishlab chiqarishga tobora takomillashgan mehnat qurollarini joriy etishni juda ham muhim vazifa qilib qo`ymoqda. Bugungi kunga kelib axborot resurslari, axborot biznesi, axborot xavfsizligi kabi axborotlashgan jamiyatga xos bo`lgan yangi tushunchalar paydo bo`ldi va ular doimiy ishlatib yuriladigan so`zlar qatoriga kirib bormoqda. Jahondagi barcha ilg`or mamlakatlar an`anaviy sanoat turlari qatori axborot industriyasini rivojlantirish va uning mahsulotlaridan samarali foydalanishni mamlakatni rivojlantirishning ustivor yo`nalishlaridan biri deb qaramoqdalar.