Диссертация мавзусининг асосланиши ва долзарблиги. Муайян мамлакатда маънавият ва маърифатни кўтариш, у хақида ғамхўрлик қилиш давлат сиёсати даражасига кўтарилган бўлса, ўша мамлакатда тинчлик, барқарорлик вужудга келади, илм-фан, маърифат ва маданият ривожланади. Бу ўз навбатида мамлакат олдида турган турли энг мураккаб муаммоларни ҳам хал этиш имконини яратади. Давлат ўз фаолиятида маънавият ва маърифатни ривожлантиришни устувор вазифа сифатида қарагандагина унинг барқарор тараққий этиши учун имкониятлар кенгайиб боради. Бу ҳолатни тўғри англаган мамлакатимиз рахбарияти, хусусан Президентимиз И.А.Каримов мустақилликнинг дастлабки кунлариданоқ маънавият ва маърифатни ривожлантиришга, маънавий ислоҳотларга алоҳида аҳамият қаратиб, Ўзбекистонни янгилашдаги асосий вазифа халқ маънавиятини юксалтириш эканлигини таъкидламоқда. Чунки юртбошимиз эътироф этганидек, жамиятда «маънавий ва ахлоқий-руҳий кўтарилиш бўлган вазиятдагина олға томон силжиш мумкин»