Танланган мавзунинг долзарблиги.Ўзбекистон мустақилликка эришган биринчи кунларданоқ миллий қадриятларни қайта тиклаши билан бирга умуминсоний қадриятларга содиқлигини, демократик ҳуқуқий давлат ва фуқаролик жамияти қуришда, баркамол авлодни шакллантиришда миллий ва умуминсоний қадриятларга таянишини эълон қилди. ”Халқимиз адолат, тенглик, аҳил қўшничилик ва инсонпарварликнинг нозик куртакларини асрлар оша авайлаб-асраб келмоқда. Ўзбекистонни янгилашнинг олий мақсади ана шу анъаналарни қайта тиклаш, уларга янги мазмун бағишлаш, заминимизда тинчлик ва демократия, фаровонлик, маданият, виждон эркинлиги ва ҳар бир кишини камол топтиришга эришиш учун зарур шарт-шароитлар яратишдир. Шу билан бирга халқнинг маънавий руҳини мустаҳкамлаш ва юксалтириш – Ўзбекистонда давлат ва жамиятнинг энг муҳим вазифасидир” .Мустақиллик туфайли тобелик ва қарамликдан озод бўлган давлатимиз ички ва ташқи сиёсатда ҳеч кимнинг аралашуви, тазйиқи ва кўрсатмаларисиз халқ манфаатларини кўзлаб иш юритмоқда. Бу қоида Конституциямизда хам мустахкамлаб қўйилган.