ХХ асрнинг 60 йилларида Орол денгизи катталиги жиҳатидан дунё “ёпиқ денгизлари” қаторида: Каспий, Шимолий Америкадаги – Юқори кўл, Африкадаги – Викториядан кейин тўртинчи ўринда турган. Яъни унинг 67 000 км квадрат майдони Европанинг Албания, Белгия, Кипр каби давлатлари ҳудудига тенг бўлган. Бу денгиз 35000 йил давомида планетар миқёсда биосфера экомажмуаси мувозанатида алоҳида аҳамиятга эга бўлиб келган.