Agrar sohada dehqonchilik tizimi tadbirlari bajarish borasida erga asosiy ishlov berish tizimi bosh o`rinni egallaydi. Erlarga asosiy ishlov berish turlaridan biri bo`lgan shudgorlash tuproqqa kichik kesakli, donador tuzilish beradi, atmosferadan tushadigan yog`inlar va o`tkaziladigan sug`orishlar hisobidan imkoni boricha suv miqdorini saqlashga yordam beradi, dalani begona o`tlardan va o`simliklar zararkunandalaridan tozalaydi, foydali tuproq bakteriyalarining hayot faoliyati uchun qulay sharoitlar yaratadi.