Uzum–uzumdoshlar oilasiga mansub, chirmashi o’suvchi o’simlik hisoblanadi. Vitis turkumi 70 turni o’z ichiga oladi. Ko’pchiligi xo’jalik ahamiyatiga ega. Asosan 2 turkumchaga: Yeuvitis planch (Euvitis Planch) va Muskadinia planch (Muscadinia Planch) ga bo’linadi. Birinchisi 68 turni o’z ichiga olib, kelib chiqishi va tarqalishi, botanik va morfologik-anatomik belgilari va xususiyatlariga ko’ra 3 guruhga bo’linadi: yevropa-osiyo (faqat bitta vitis vinifera - Vitis Vinifera turini o’z ichiga oladi); amerika (28 turdan iborat); sharqiy-osiyo (39 turni o’z ichiga oladi). Amaliy tokchilikda faqat Vitis vinifera turi eng ahamiyatli hisoblanib, ikkita turchadan: silvestris (ssp. Silvestris Gmel) - yovvoyi tok; sativa (ssp. Sativa DC) - madaniy tokdan iborat.