Chorva mollarini bosh sonini ko`paytirish va uning mahsuldorligini oshirish uchun faqatgina to`yimli oziqa bilan ta’minlash bo`lmay, balki molxonalar qurish, mikroiqlim ko`rsatkichlarini me’yorda saqlash, hayvonlarni saqlash sharoiti, qarash asrash, parvarishlash, eng qulay sanitariya gigiena talablariga javob berish bilan ham bog`liqdir. Noto`g`ri saqlash natijasida kasalliklarga chalinish havfi ham kuchayadi, urchish, ko`payish xususiyatlari va mahsuldorligi pasayadi, mahsulot birligi uchun sarflanadigan oziqa xarajatlari ko`payadi.