Bu guruhga mansub kasalliklardan katta yoshdagi hayvonlarda asosan osteodistrofiya, yosh hayvonlarda raxit kasalligi qayd etiladi. Osteodistrofiya (Osteodistrophia) - suyaklarning jarohatlanishi bilan o’tadigan patologik jarayon bo’lib, suyak to’qimasining asosan kalsiy, fosfor va magniyga nisbatan kambag’allashishi (osteomalyasiya), suyak to’qimasi elementlarining kamayishi bilan o’tadigan suyak tarkibining qayta qurilishi, bu elementlarning butunlay so’rilib, kamayib ketishi (osteoporoz), suyak bo’shliqlarida fibroz osteogen to’qimaning o’sishi (osteofibroz) bilan xarakterlanadi.