Ўзбекистон Республикаси мустақилликка эришганидан сўнг аҳоли саломатлигига, мамлакатнинг турли ҳудудларидаги экологик вазиятни соғломлаштиришга жиддий эътибор қаратилмоқда. Жумладан, республика президенти И. А. Каримов бу борада «Экологик муаммолар минтақавий миқёсдан умуминсоний муаммога айланган бугунги кунда экологик хавфсизликни таъминлаш вилоятларда, айниқса Орол денгизи ҳавзасида олиб борилаётган тадбирларни жадаллаштириш муҳим масалалардан биридир» деб бежиз таъкидлаганлар.
Ўзбекистон Республикасида ижтимоий-иқтисодий соҳаларда ислоҳотлар муваффақиятли амалга оширилмоқда. Иқтисодиётнинг босқичма-босқич бозор муносабатларига ўтказилиши, мустақилликдан кейинги ўтган йиллар давомида аҳолининг ижтимоий муҳофазалаш ўз кутилган самарасини бермоқда.