Мавзунинг долзарблиги. Ўзбекистонда жисмоний тарбия ва спортга катта ахамият берилмоқда. Спорт ва жисмоний тарбия тўғрисидаги қабул қилинган қарор ва қонунлар бунинг исботидир. Ўзбекистон Республикаси Президенти И.А.Каримов томонидан кураш, футбол, теннис, бокс ва бошқа спорт турларини ривожланитиршга катта эътибор қаратилмоқда. Хозирги кунда Ўзбекистон боксчилари томонидан олимпиада, жахон чемпионатлари, жахон кубоклари ва жахон миқёсида ўтказилаётган мусобақаларда қатор медаллар қўлга киритилган. Қўлга киритилган ютуқларни ушлаб туриш учун ўзбек боксчиларини тайёрлаш жараёнини такомиллаштириш зарурдир (Р.В.Халмухамедов, 2006; В.Н.Шин, 2008). Замонавий бокс машғулот ва мусобақалардаги машқлар интенсивлиги ва хажмини ортиши билан тавсифланади. Сўнги йилларда машғулот ва мусобақалардаги зўриқишлар ўз хажми ва интенсивлиги бўйича инсон организми учун критик даражага етмоқда. Шунинг учун юқоридагиларни бироз даражада орттириш хам адаптация механизмларини издан чиқишига, физиологик чарчашни унинг кейинги босқичларига – ўта чарчаш, ўта даражада зўриқиш олиб келади, натижада спортда эришиладиган натижаларни камайишига олиб келади.