Минтақалар ижтимоий-иқтисодий ривожланишига бир қатор омиллар катта таъсир кўрсатади. Ушбу омиллар орасида иқтисодий географик ўрин ўзига хос хусусиятлари билан ажралиб туради. У турли даврларда ижтимоий-иқтисодий ривожланишга баъзан ижобий, баъзан эса салбий таъсир этиб келган ва бу жиҳати билан ўзининг тарихий ўзгарувчан категория экалигини исботлаб берган. Шу нуқтаи назардан минтақалар ва уларга қўшни давлатлар билан муносабат, денгиз йўлларига чиқиш имкониятлари, асосий транспорт йўллар ва йўлакларнинг мавжудлиги, йирик ёқилғи-энергетика манбааларига яқин ёки узоқлиги каби томонларини тадқиқ этиш муҳим илмий ва амалий аҳамиятга эга.