Такрорий экин сифатида дуккакли дон ўсимликларининг экиш муҳим аҳамиятга эга, чунки бу ўсимликлар дон, оқсил ва мой муаммоларини ҳал қилади. Бундан ташқари, республикамизда йиллик ҳароратнинг юқорилиги, қишлоқ хўжалик экинларини етиштиришда жадаллаштирилган тупроққа ишлов бериш усулларини қўлланилиши, ҳамда экинларни суғориладиган шароитда етиштириш тупроқда тўпланган табиий чиринди захираси жадал суръатларда парчаланиб камайишига олиб келмоқда.