1.ДИССЕРТАЦИЯНИНГ УМУМИЙ ТАВСИФИ.
Мавзунинг долзарблиги. Ҳозирги вақтда кимёвий барқарор, механикавий чидамли ва оптикавий бир жинсли тербий галлат-гранат Tb3Gа5O12 (TbGaG) монокристаллари функционал оптоэлектрон қурилмаларни (оптикавий изоляторлар ва модуляторлар, юқориэффектив лазер матрицалари, интеграл оптика ва акустооптика қурилмаларини ишчи элементлари ва бошқалар) яратишда муваффақиятли қўлланаяпти, чунки уларда магнитооптик эффектларни қийматлари катта, оптик ютилиш эса, кичик. Хусусан, яқинда Фарадей эффектига асосан, тербий гранатларда Tb3Al5O12 (TbAlG) ва Tb3Gа5O12 (TbGaG) эффективлиги 30dB дан катта бўлган 470ч530нм сохасидаги ихчам оптик изоляторлар ишлаб чиқилган. Тербий гранатларни оптикада қўлланилишларини кейинги ривожланиши гранат структурасини кристаллик майдондаги Тb3+ ионли энергетик системаларини чуқур ўрганилишини талаб қилади, чунки тербий гранатларда ёруғликни у, ёки бу оптик диапозонида ютилиш ва нурланишни асосий механизмларни хусусиятларини микрооптик таърифлаш учун қатор ечилмаган масалалар мавжуд ва гранат кристалларида нодирер ионларни магнитооптик активлигини (МОА) микростатик механизмлари ҳозирги кунгача нисбатан кам ўрганилган.