Ушбу услубий кўрсатма «Тикув корхоналарини машина ва ускуналари - ТКМУ» фанининг намунавий ва ишчи дастурлари асосида ёзилган бўлиб, «Тикув буюмлари технологияси» ва «Тикув буюмларини лойихалаш ва конструкциялаш»
мутахассисликлари бўйича таълим оладиган талабалар учун ишлаб чиқилган.
Методик кўрсатма ТКМУ фани бўйича 17 та лаборатория ишларини ўз ичига олиб, у ТТЕСИнинг «Тикув буюмлари технологияси» кафедрасида хамда
Тошкент шахрининг «Юлдуз», «Тонг», «Паризод» ва бошқа хусусий ва кичик тикув корхоналарида ишлатилаётган машина-жихозлар асосида ёзилди.
Услубий кўрсатмада лаборатория ишларини оддийдан мураккабгача кетма-кет ўрганиш кўзда тутилган. Кўрсатмада Германия, Америка, Япония, Россия, Чехия, Венгрия, Белоруссия, Италия, Финляндия давлатларини завод ва фирмаларида ишлаб чиқарилиб, Ўзбекистоннинг тикув корхоналарида ишлатилаётган тикув машиналарини ўрганиш ва улар билан танишиш ҳам кўзда тутилан. Хар бир лаборатория иши учун лозим бўлган таянч адабиётлар рўйхати ва бу адабиётларда ишлар келтирилган сахифалар ажратиб кўрсатилган. Таклиф этилган адабиётларнинг хаммаси ТТЕСИнинг кутубхонасида етарли сонда бор.