Бакалаврнинг кaсбий фaoлият oбъeктлaри турли публицистик ва бадиий матнларни мустақил таҳлил қила олиш, улардаги тил бирликларининг ижтимоий хосланиш тамойилларини тушуна олиш, бундай матнларнинг хусусиятлари ҳақида етарли билим ва кўникмаларга эга бўлишни талаб қилади. Шу билан бирга бакалавр жамиятда, мулоқот жараёнида ҳар қандай матн шаклларини эркин туза олиш, уларни таҳрир қила олиш кўникмаларига эга бўлиши, бунинг учун ҳозирги глобаллашув шароитида матн ҳақидаги фан – матн тилшунослиги ёки матн лингвопоэтикаси ҳақида етарли билим ва кўникмаларга ҳам эга бўлиши лозим. Шу нуқтаи назаридан олий ўқув юртлари Илмий кенгашлари қарори билан филология факультети бакалавр талабаларига “Тилнинг ижтимоий хосланиши (бадиий ва публицистик матнларда тил бирликларининг ижтимоий хосланиши)” деб номланувчи ихтисослик фани киритилган. Бу танланма фан мазмуни билан танишиш бакалавр талабаларни матн яратиш ҳамда унинг таркибидаги бирликларда ижтимоий хосланиш тамойилларига чуқур ҳурмат ҳиссини тарбиялашга хизмат қилади.