Миллий мустақиллик йилларида мамлакатимиз тараққиётининг ўзбек модели тамойиллари негизида асрларга тенг бунёдкорлик ишлари амалга оширилди. Жамиятимиз барча соҳаларидаги оламшумул ўзгаришларни жаҳон ҳамжамияти эътироф этмоқда. Хуқуқий демократик давлат барпо этиш, фуқаролик жамияти шаклланишига йўл очиш ва бозор иқтисоди муносабатларига босқичма-босқич ўтиш муаммолари халқимиз дунёқарашида тубдан ўзгаришлар бўлиши, эски ақидалардан тамоман воз кечиш, миллий ғоя ва мафкура таъсирчанлигини ошириш ва маънавиятни юксалтиришни тақозо этмоқда. Бунда ижтимоий фанлар алоҳида ўрин тутади. Президентимиз Ислом Каримов таъкидлаганидек, «Кўп асрлик тарихимиз шуни кўрсатадики, инсон дунёқарашининг шаклланишида маърифатнинг, хусусан ижтимоий фанларнинг ўрни беқиёс. Бу жамиятшунослик бўладими, психология ёки иқтисод бўладими – уларнинг барчаси одамнинг интеллектуал камолотга эришувида катта таъсир кучига эга»