Тақырыптың актуальдығы: Қазiргi кезде мектептерде әдебиет пәнiн оқытуды түбегейлi жақсарту, жетiлдiру және жаңа педагогикалық технологияларды сабақ процесiнде қолдану мәселесiне ерекше көңiл бөлiнiп отыр. Осыған байланысты әдебиет сабақтарында көркем шығармаларды жанрлық ерекшелiктерi бойынша оқытудың танымдық та, эстетикалық та маңызы зор екендiгi ақиқат.
Бұл мамандық жұмысы – «Абай лирикасы және оны оқыту» тақырыбына арналады. Абай лирикасы мектеп оқушыларына ең көп оқытылатын және оқушылардың көркем әдебиеттен нәр алуына, олардың сана сезімі, дүниетанымының қалыптасуына ерекше әсер ететін болғандықтан, ол өлеңдердің ерекшеліктерін, тақырыптық, идеялық, сюжет пен композициялық тараптарын таныту iсi әдiстемеден жетекшi орын алады. Мiне, мамандық жұмысы орта мектепте, атап айтқанда 5-8 сыныптарда өтiлетiн Абай лирикасының жанрын, көремдік-идеялық ерекшелiктерiн қалай таныту мәселесiн жан-жақты қарастыруы – оның маңыздылығынан, қажеттiлiгiнен дерек бередi.