Ушбу рефератда анжир парвонасининг биоэкологияси, зарари ва тарқалиши ҳамда унга қарши кураш чоралари тўғрисида ёзилган. Анжир парвонаси (Choreutis nemorana Hb.) Ўзбекистоннинг барча ҳудудларида учрайдиган ва анжирга сезиларли даражада катта зарар етказадиган ашаддий зараркунандадир. Ўзбекистондан ташқари уни барча қўшни давлатларда, ҳамда Россиянинг жанубий ҳудудларида, Қрим, Кавказ, Марказий Осиѐнинг тоғли
ҳудудларида, Жанубий Европа, Ўртаер денгизи атрофидаги давлатлар, ҳамда Кичик Осиѐ давлатларида ҳам учратиш мумкин. Анжир парвонасининг ҳосилдорликка зарари дарахтларни баҳорги ва кузги ҳосил тўплашида турлича бўлди. Бунга сабаб, баҳорда парвона асосан анжир баргини зарарласа, кузда эса кўпроқ мева билан озиқланишидир. Анжир парвонаси фақат анжирни шикастлайди. Баҳор фаслида асосан ѐш баргларни қиртишлаб еб уни ғалвирлаб ташлайди. Бунинг натижасида новда ва дарахт ривождан орқада қолади, баҳорги биринчи ҳосил камаяди.