Mavzuning dolzarbligi. Mustaqillik yillarida ijtimoiy-iqtisodiy sohada bo`layotgan o`zgarishlar badiiy adabiyotda ham, adabiyotshunoslikda ham aks etmasligi mumkin emas edi. Jumladan, Cho`lpon, Fitrat, A.Qodiriy va yana o`nlab qatag`on qurbonlari bo`lgan shoir va yozuvchilar ijodini yangi mezonlar asosida o`rganish eng dolzarb vazifalardan biri bo`lib turdi. Bu mavzuni yoritish uchun yetarli darajada material bor edi. Ularni ilmiy umumlashtirish o`zbek adabiyotshunosligining eng dolzarb masalalaridan biri ekanligini nazarda tutib ushbu mavzuni magistrlik dissertatsiyamizga mavzu qilib tanladik.