Ушбу дарслик мусиқа, санъати йўлига қадам қўйган талабаларга дирижёрлик санъати сирларини ўргатишга қаратилган бўлиб, унда назарий билимлар билан биргаликда амалий кўникмаларни эгаллашга катта аҳамият берилган. Дирижёрликнинг дастлабки ҳолатидан бошлаб, босқичма — босқич маҳоратини оширишга хизмат қилувчи мавзулар, мусиқий намуналар, Ўзбекистоннинг таниқли дирижёрлари ижодий фаолиятлари кенг ёритилган. Мазкур дарслик маданият ва санъат олий таълим муассасалари талабалари учун мўлжалланган, шунингдек, ундан ўрта махсус таълим муассасалари ўқувчилари ҳам фойдаланишлари мумкин.