Mavzuning dolzarbligi. Mustaqillik yillarida yangi bir avlod shakllandi. Eskicha tor dunyoqarash qoliplaridan xoli bu avlod jahon haqida, unda kechayotgan iqtisodiy, ijtimoiy-siyosiy, ma’naviy-madaniy jarayonlar to`g`risida keng va chuqur bilim olishga o`zida kuchli ehtiyoj sezmoqda. Globallashuv asrida inson o`zini faqat Vatanining emas, butun jahon hamjamiyatining teng huquqli a’zosi deb his qilmoqda, umuminsoniy qadriyatlardan bir xilda bahramand bo`lishga haqli deb hisoblamoqda.