Ushbu uslubiy ko`rsatmalar magistratura ta`lim standartlariga kiritilgan "O`zbekiston Respublikasi va jahon ta`lim tizimi" fani sohasiga oid bilimlar majmuini qamrab oladi. Qo`llanmada O`zbekiston Respublikasi "Ta`lim to`g`risida"gi Qonuni va "Kadrlar tayyorlash milliy dasturi" talablari asosida pedagogika fanining nazariy metodologik muammolari, taraqqiyot bosqishlari, jahon pedagogikasi, ayniqsa, rivojlangan davlatlar ta`limining o`ziga xos jihatlari, chet el ta`limi tizimi, uning mazmuni, tuzilishi, rivojlanishi masalalari yuzasidan mustaqil ishlarni tashkil qilish masalalari yoritilgan. Chet el ta`limi taraqqiyotining asosiy yo`nalishlari, ta`limni rivojlantirishga ko`maklashuvchi xalqaro tashkilotlar mavzulari ustida mustaqil ishlashga oid tavsiyalar berilgan. Mazkur qo`llanma oliy o`quv yurtlari, litsey, kollej hamda o`rta maktab o`qituvshilari, magistratura talabalari, shuningdek mazkur fan bilan qiziquvshi kitobxonlarga mo`ljallangan.