RASTR VA VEKTOR GRAFIKA

1.1. O`lcham O`lcham nimaligi hammamizga u yoki bu darajada yaxshi ma’lum – maktab davrlarida geometriya fani aniq ta’rif bergan. Lekin inson his-tuyg`usi uchun o`lcham aniq matematik ifodalangan tushuncha hisoblanmaydi. Masalan, agar biz evkaliðtning balandligini 100 metrga yaqinligini bilsak, bu bizga unchalik ko`ð narsa bermaydi. Lekin agar bu 30 qavatli uyning balandligi ekanligini bilsak, u holda bu daraxtning balandligi to`g`risida aniq tasavvur hosil qila olamiz. Shunday qilib o`lcham – nisbiy tushuncha. Biz uni 20 cm, 3 m, 5 km sifatida emas, balki «mitti», «o`rtacha», «katta», «ulkan», «bahaybat» kabi qabul qilamiz. Hammasi inson qabul qiladigan sezgilarga asoslanadi, inson sezgisi esa juda egiluvchan. Biz jurnaldagi miniaturani ko`rayotganimizdagi katta va kichik tushunchalar katta kartinani ko`rayotganimizdagi katta va kichik to`g`risidagi tushunchalardan farq qiladi. Ishdagi aniq bir obyektning o`lchamlarini tanlashda komðozitsiya birgalikda qandaydir g`oyaga (umuman olganda, zamonaviy dizaynning asosiy vazifasi – ma’lumot yoki buyruqni maksimal darajada yetkazib berish) ega bo`lishi to`g`risida o`ylash kerak. Shuning uchun, aytaylik, uyali telefon reklamasida aynan uyali telefon ajralib turishi kerak.