Muhandislik kommunikatsiyalari qurilishi tayyorlov yo`nalishining
suv, gaz ta’minoti va kanalizatsiya tizimlarini montaj qilish va ta’mirlash
mutaxassisligi suv, gaz ta’minoti va kanalizatsiya tizimlarini montaj qilish
va ta’mirlash texnigi, gaz va suv iste’moli nazoratchisi hamda elektr-gaz
payvandchi kasblari bo`yicha mutaxassislarni tayyorlashni o`z ichiga
oladi. Mazkur kasblar bo`yicha mutaxassislar zamonaviy gaz ta’minoti
tizimlari to`g`risida umumiy ma’lumotlar, ularning tuzilishi, ishlash
tamoyillari, asosiy jihozlari, montaj qilish texnologiyasi, ishga tushirish,
sozlash, sinash va foydalanish qoidalarini bilishi kerak. Ushbu masalalar
darslikda bayon etilgan.
Darslik oltita bobdan iborat bo`lib, ularda shahar va turarjoylarning gaz
ta’minoti tizimlari, gaz bosimini rostlovchi punktlari, ichki gaz ta’minoti
tizimlari, sanoat va kommunal-maishiy korxonalarining gaz tizimlari,
suyultirilgan gaz bilan ta’minlash, gaz quvurlarini korroziyadan himoyalash
to`g`risida kerakli ma’lumotlar keltirilgan.
Darslik gaz ta’minoti tizimi fanining namunaviy dasturiga muvofiq
yozilgan.