Voyaga yetmagan bolalalarni ijtimoiy va huquqiy jihatdan himoyalash masalalari bilan shug`ullanuvchi mutaxassislar, xususan, mahalla posbonlari, voyaga yetmaganlar bilan ishlash komissiyalari, Vasiylik va xomiylik organi xodimlari va maxsus ijtimoiy, huquqiy ko`mak ko`rsatish Markazlari kabi boshqa idora xodimlari aksariyat hollarda xavf-hatarga duch kelgan vaziyatdagi bolalar bilan ish olib boradilar. Odatda bolaga nisbatan zo`ravonlikning oqibati uning xatarli holatini yanada murakkablashtiradi. Zero, bolaga nisbatan har bir befarq munosabat va ruhiy hamda jismoniy zo`ravonlik uning ruhiyatiga, shaxs sifatida shakllanishiga salbiy ta’sir ko`rsatuvchi omillardandir. Mazkur toifadagi bolalar bilan ish olib boruvchi ijtimoiy xodim albatta havf-xatarda olgan bolaning vaziyatini ijtimoiy, huquqiy yohud pedagogik-psixologik nuqtai nazardan baholar ekan, albatta, kelgusidagi majburiy tadbirlar qatorida bu bolada ro`y berishi mumkin bo`lgan ehtimoliy asoratlarining oldini olish va zarur yordam ko`rsatish tadbirini ham inobatga olishi zarur bo`ladi.