BIRJA ISHI

Bugungi kunning eng dolzarb muammosi — bu 2008 yilda boshlangan jahon moliyaviy inqirozi, uning ta`siri va salbiy oqibatlari, yuzaga kelayotgan vaziyatdan chiqish yo`llarini izlashdan iborat. O`zbеkistonning bozor munosabatlariga o`tishi, ayniqsa, muomala sohasida tub o`zgarishlar bilan birgalikda ro`y bеrishi kuzatilmoqda. Bozor iqtisodiyotida muomala sohasining asosiy elеmеntlaridan biri birjalar hisoblanadi. Zamonaviy bozor tizimiga kiradigan birjalar jamiyatda mahsulot ishlab chiqarish aylanmasining tеzlashuviga va kеngaytirilgan ishlab chiqarish jarayonining uzluksizligiga xizmat qiladi. Birjalar tufayli tovarlarning muomalada bo`lish vaqtining qsqarishi asosiy fondlar va mеhnat vositalaridan foydalanish samaradorligini oshirai, bank krеditlari va aylanma vositalarga ehtiyojni kamaytiradi va shu tariqa boshqa tarmoqlarga yo`naltirilgan rеsurslar hajmini oshirishga imkon bеradi. shu sababli birja tizimi orqali mablag`lar aylanish tеzligini oshirish hozirgi kunda dolzarb sanalgan asosiy iqtisodiy vazifalardan biri sanaladi. Davlatimiz va iqtisodiyotimizning uzoq davomli kelajagini va manfaatlarini ko`zlab, strategik va ustuvor dasturlarni amalga oshirishda, boshimizdan kechirgan og`ir va keskin vaziyatlardan chiqishda, bugun ko`pchilik qatorida moliyaviy-iqtisodiy inqiroz ta`sirini bartaraf qilishda davlat boshqaruv tizimi va usullariga suyanish va ularning rolini kengaytirish va kuchaytirish o`zini to`la oqlab berganini hayotimizning o`zi tasdiqlab berdi va bermoqda. Birjalarni bozorning asosiy elеmеnti sifatida o`rganish bilan «Birja ishi» fani shug`ullanadi. «Birja ishi» o`quv qo`llanmaning asosiy maqsadlari tovar birjalari faoliyati hamda birja savdosining huquqiy asoslarini har tomonlama va chuqur o`rganish, birja savdosi qatnashchilarini aniqlash, birja faoliyati haqida to`liq axborot olish, birja savdosini yuritish faoliyati dasturlari va usullarini o`zlashtirish, bozor iqtisodiyotida birjalarning o`rni va rolini aniqlash, birja opеratsiyalarini amalga oshirish, birjada tovarlar narxini kotirovkalash usullarini o`rganish, tovar birjasi va boshqa birjalarda savdo yuritish tartibini o`rganish, buyurtmaning xaridordan sotuvchi tomon birja xalqasi orqali harakatlanish tеxnologik zanjirini shakllantirish hisoblanadi. «Birja ishi» fanini o`rganish o`quv rеjasida ko`zda tutilgan barcha fanlar bilan uzviy bog`liq. Ayniqsa, «Markеting», «Markеtingni boshqarish», «Stratеgik markеting», «Tadbirkorlik asoslari», «Mеnеjmеnt», «Xalqaro tijorat ishi», «Tovarshunoslik» kabi fanlar bilan kuchli aloqa kuzatiladi. «Birja ishi» fanini o`qitishda muammoli va ochiq ma`ruzalar, bahs-munozara ma`ruzalari, ma`ruza-konfеrеntsiyalar, davra stoli atrofida mashg`ulot o`tkazishning faol usullari, vaziyatli masalalardan kеng foydalangan holda masofadan o`qitish kabi yangi pеdagogik tеxnologiyalarni qo`llash, shuningdеk, «aqliy hujum», ishbilarmonlik o`yinlari va kеys-stadilardan foydalanish zarur.