Ўзбекистон тарихи фанининг ўқитишдан мақсад ва вазифалар:
Бу фанни ўрганишдан кўзланган мақсад Республикамиздаги академик лицейлар ва касб - ҳунар коллежларида, шунингдек ўрта таълим тизимида фаолият кўрсатувчи бўлажак мутахассисларга Ватанимиз, халқимиз тарихига оид бўлган замон талаби даражасидаги чуқур билимларни беришдан иборат бўлиб, шу муносабат билан қуйидаги вазифалар келиб чиқади: талабаларнинг дунёқарашларини, илмий — назарий тафаккурларини такомиллаштириш, ўтмиш ва ҳозирги замондаги воқеа ва ҳодисаларга илмий холислик ва тарихийлик тамойилларига амал қилган ҳолда тарихий воқейликка муносабат билдирадиган, умуминсоний қадриятлар асосида ёндошадиган эркин фикрли комил инсонни тарбиялаш; талабаларга Ўзбекистон жаҳон ҳамжамиятининг ажралмас таркибий қисми эканлигини англатиш ва уларда миллатлараро маданиятни шакллантириш; талабаларнинг ижодий фикрлашини, тарихий тафаккурини, билим олишдаги фаоллигини, мулоҳаза юритиш мустақиллигини, ўз билимини мустақил бойитишга бўлган талаби ва кўникмаларини ривожлантириш, улар учун тушунарли шаклда фактик материалларни таҳлил қилиш ва умумлаштириш асосида мантиқий хулосалар ҳосил қилишга кўмаклашиш.