Ulıwma bilim beretugın mekteplerdin` 8-klasslarında A`jiniyaz Qosıbay ulının` didaktikalıq lirikasın oqıtıwdın` metodikası

Watan ha`m xalıqtın` gu’lleniwi jolında tınımsız izlengen A`jiniyazdın` arzıw-a`rmanları bu’gin ju’zege shıqpaqta. G`a`rezsiz elimizde insannın` baxıtlı turmısın ta`miyinlew, jetik jas a`wladtı ta`rbiyalaw, puxaralarımızdın` sanasında ertengi ku’nge isenimdi bekkemlew maqsetinde haqıyqıy isler islenbekte. Jan`a a`sirde ma`mleketimiz ha`r ta`repleme rawajlang`an abbat ha`m qu’diretli ma`mleket bolıp dun`yag`a tanılıwı jolında do`retiwshi qaraqalpaq xalqının` ulken juwapkershilik penen miynet etetug`ınına shın kewlimnen isenemen. Haqıyqatında da, xalıq shayırı A`jiniyazdın` jazg`anınday-aq qaraqalpaq «O`tirikti ras etip aytpag`an, Bas ketsede de tuwrı joldan qaytpag`an» la`bzi hadal, ma`rt ha`m kewli ken` xalıq.