Mektepke shekemgi ta`rbiya pedagogikasi pa`ni boyinsha ” A`dep-ikram ta`rbiyasi” temasin o`tkeriw metodikasi

Mektepke shekemgi ta’rbiya - bul u’zliksiz ta’limnin’ da’slepki basqıshı bolıp, onda mektepke shekemgi jastag’ı balalarda erkin pikirlewshi shaxstı qa’liplestiriwde, do’retiwshilik uqıplılıqlardı rawajlandırıwda, bilimnin’ da’slepki ko’nlikpelerın qa’liplestirip, olardın’ bilimge degen qızıg’ıwshılıqtı arttırıwdag’ı da’slepki tırnag’ı qoyıladı. Ha’zirgi waqıtta Kadrlar tayarlawdın’ milliy bag’darlamasının’ keyingi etapları a’meliyatqa engizilip, ol pedagog kadrlar aldına birqansha talap ha’m juwapkershilikti ju’kleydi. Ol mektepke shekemgi jastag’ı balalardı mektepke tayarlawda, ta’rbiyashı-pedagoglardan balalardın’ dıqqat itibarın bilim alıwg’a, olardın’ jeke qa’bilietlerın rawajlandırıwda, olardı xalqımızdın’ bay milliy qa’driyatların qa’dirlewde, milletimizdin’ tariyxın ha’m ma’deniyatın qa’sterlewde, olardın’ intellektual rawajlanıw da’rejesin ko’teriwde, fizikalıq ha’m psixikalıq jaqsı rawajlanıwın ta’miyinlewdi talap etedi.