Елимизде химия санаатын раўажландырыў,химия
санааты кәрханалары қурылысын жеделлестириў ҳам жаңа түрдеги
өнимлерди ислеп шығарыў бойынша жумыслар даўам етип атыр. Усыған
байланыслы Реслубликамызда шийки заты бар болған затлардан жаңа
өнимлерди синтезлеў химия пәниниң тийкарғы машқалаларының бири.
Дисперс системада бети актив затлар, әсиресе полиэлектролитлер тәсиринде
структура пайда етиў болып табылады. Бул ең дәслеп бир қатар халық-
хожалық мәселелери: ылай суспензияларын стабиллеў, структурасы
бузылған топырақта структура пайда етиў, самал ҳәм суў эррозиясының
алдын-алыў ҳәм тоқтатыў, көшпе қумларды беккемлеў, өндирислик ҳәм
ағын суўларды тазалаў ҳ.т.б. мәселелерди шешиў менен байланыслы.